फेसबुकले ल्याउँदैछ आफ्नै स्मार्टफोन ?

फेसबुकले अहिले एक स्मार्टफोन निर्माणमा काम गरिरहेको छ । साइबर जासूसहरुले फेसबुकका केही महत्वपूर्ण दस्तावेज हात पारेका छन् जसको आधारमा फेसबुकले स्मार्टफोन निर्माण गरिरहेको खुलासा गरिएको हो ।

हार्डवेयरमा काम गर्ने फेसबुकको एक युनिटले गत जनवरीमा एक मोडुलर इलेक्ट्रोमेकानिकल डिभाइसको पेटेन्टका लागि निवेदन दिएको थियो । उक्त डिभाइसमा स्पिकर, क्यामरा, माइक्रोफोन, टचस्क्रिन तथा डिस्प्ले हुनेछ ।

अमेरिकी प्रतिलिपि अधिकार सम्बन्धी निकायमा पेश गरिएको उक्त निवेदनको सारांशमा लेखिएको छ: एक प्रयोगकर्ताले मोडुलर इलेक्ट्रोमेकानिकल डिभाइसको कार्यलाई डिभाइसका विभिन्न फंक्सनल मोडुलहरुको अनुसार बदल्न सक्दछ ।

सदैव एउटा अनुमान के गर्ने गरिएको छ भने के फेसबुकले आफ्नो लोकप्रियतालाई आफ्नो स्मार्टफोनको माध्यमबाट पुनः प्राप्त गर्ने कोसिस गर्ला ? यद्यपि फेसबुकले चाहीँ स्मार्टप्mोन उत्पादन गर्ने यस्तो हल्लालाई सदैव एक अफवाह भन्दै खारेज गर्ने गरेको छ । पछिल्लो खबरका बारेमा चाहीँ उसले कुनै प्रक्रिया जनाएको छैन ।

फेसबुकको हार्डवेयर टिमकी प्रमुख रेगिना दुगान हुन् । यसअघि उनले अमेरिकाको डिफेन्स एडभान्स्ड रिसर्च प्रोजेक्ट एजेन्सीकी निर्देशक भएर काम गरिसकेकी छिन् । यस एजेन्सीले अमेरिकाको राष्ट्रिय सुरक्षाका लागि नयाँ प्रविधि पत्ता लगाउने र त्यसलाई विकशित गर्दै उत्पादनका लागि कोष समेत संकलन गर्ने काम गर्दछ ।

दुगानले यसअघि गुगलको एड्भान्स्ड टेक्नोलोजी प्रोजेक्टमा पनि प्रमुख भएर काम गरिसकेकी छिन् । जहाँ प्रोजेक्ट आराको माध्यमबाट मोड्युलर फोनमा काम भएको थियो । गुगलले उक्त मोड्युलर फोनको परीक्षण गरेपनि गत वर्ष सो परियोजनाबाटै हात झिक्यो ।

गत अप्रिलमा फेसबुकले स्मार्टफोन क्यामराको विन्डोलाई अगमेन्टेड रियालिटीसँग जोड्ने मिसन लञ्च गर्यो जसको उद्देश्य आँखामा लगाउने हाइटेक डिभाइसको साटो स्मार्टफोनमै केन्द्रित हुनु हो ।

सिलिकन भ्यालीको वार्षिक डेभलपर्स कन्फ्रेन्सका दौरान मार्क जुकरबर्गले स्मार्टफोन क्यामरालाई अगमेन्टेड रियालिटी फिचरका लागि सुरुवाती तथा महत्वाकांक्षी प्लेटफर्म भएको बताएका थिए । साथै उनले फेसबुकले स्मार्टफोन क्यामराको पहिलो अगमेन्टेड रियालिटी प्लेटफर्म लिएर आउने समेत बताएका थिए । जबकी यसअघि फेसबुकले भर्चुअल रियालिटीलाई आगामी दिनको ठूलो कम्प्युटिङ प्लेटफर्म बनाउने कुरामा जोड दिइरहेको थियो । जसका लागि उसले रिफ्ट हेडगेयर तथा अकुलस युनिट खडा गरेको थियो ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

ग्याँस र तेलको पाइपालन चितवनसम्म विस्तार गर्ने भारतको योजना

देउवा र मोदीबीच दिल्लीमा एक्लाएक्लै आकस्मिक भेटवार्ता

स्पेनको बार्सिलोनामा आइएसको आक्रमण, १३ जनाको मृत्यु

इजरायली दूताबासमा गोली प्रहार, दुई जनाको मृत्यु




सफलताको कथाshow all
EXPLORE YOUR BUSINESS...
Lorem Ipsum is simply dummy text of the printing and typesetting industry. Lorem Ipsum has been the industry's standard dummy text ever since the 1500s, when an unknown printer took a galley of type and scrambled it to make a type specimen book. It has survived not only five centuries, but also the leap into electronic typesetting, remaining essentially unchanged.
COMPANY NAME

P.O.Box No. 899
Bharatpur, Chitwan, Nepal

977 90909090